2016年5月24日

換樓有時需要先買後賣的, 搵到荀盤但自己果層未放到, 便要先買後賣.

但問題是, 新買果間做按揭時, 舊果層的樓按還是會計壓測的, 兩層樓計壓測, 可能會爆TU

假設在上會前成功賣出舊果層, 但新果層成交期遲過舊果層, 舊果層能不能免計壓測?是可以的。

方法是新果層申請按揭時, 把舊果層的賣出臨約給銀行, 申請 bridge loan, 那麼舊果層便不需計壓測, bridge loan 仲可幫你係未收到舊果層錢前借錢買新果間添.

不過有幾點要注意:

  1. 不是間間銀行有bridge loan
  2. 兩層樓成交期相隔的時間不能超過銀行規定 (一般6個月)
  3. 新果層買家需要在同一銀行上會

 

編輯(27/5):有讀者看了上文後email 來問:「假設我本身有層樓, 想再買多層但TU爆. 能不能扮賣樓, 比如搵個朋友到律師樓, 我做張買賣合約, 把間樓假裝賣給朋友, 然後把買賣合約給銀行, 銀行看到以為我賣了樓所以果層吾計落壓測。然後, 新果層 drawdown 後便會和朋友在律師樓取消舊果層的買賣合約. 這是否行得通?」

答:這操作很難過關, 因為:

  • 你朋友可能反悔, 吾俾你cancel 買賣合約.
  • 你需要過大訂給朋友, 然後相信佢之後會把大訂還給你
  • 有些銀行需要見到 assignment 才肯舊果層吾計壓測