星之谷按揭近年撈得好掂,原來不知不覺呢間主打互聯網嘅按揭轉介公司已經三周年,聽聞市佔率好似愈嚟愈高,創辦人莊錦輝(Raymond)今晚仲搞咗個晚宴慶祝,除咗一班專做按揭嘅賓架捧場以外,仲搵咗索到爆炸嘅苟姑娘(苟芸慧)做代言人,嚟緊喺電視同埋平面媒體都有廣告,應該算係業界首創。

苟姑娘喺晚宴上面話婚後進入人生另一階段,想做一個好太太,除咗照顧家庭、打理家頭細務外,仲要學習投資理財之道,即場請教Raymond喺置業投資同埋按揭財技嘅tips,華華諗住Raymond會講好多複雜嘅按揭財技,例如點樣甩名變返首置客身份咁,點知佢話置業投資要逐個case分析,搵啱銀行上會,似乎有啲口密喎。華華希望佢下一個三年都繼續蒸蒸日上啦。

https://hk.finance.appledaily.com/finance/realtime/article/20190322/59400512