2016年4月11日

買村屋很多學問, 在這裡只討論村屋按揭.

筆者個人意見, 買村屋前應去每間銀行問能不能做按揭,尢其有潛建或不足700尺的村屋. 就算你知某銀行肯做, 你也應每間銀行都去問. 筆者自己買村屋收租時, 曾遭受經紀批評: “有一間銀行可做按咪得囉, 不需要間間銀行都做才買吧”. 但問題不是我能不能上到會, 而是我下一手買家能不能上到會. 如間村屋只得一兩間銀行肯做, 我下手準買家可能因此而有抗拒感或他會因為只得一兩間銀行肯做按揭而用這藉口來壓我價.

銀行對村屋的做法真係間間不同, 而且好大分別. 但一般來說, 銀行對於具備以下條件的村屋會易批:

  • 標準 700 尺(如不足700尺不是間間銀行做)
  • 車到門口
  • 屋宛形式, 有管理, 有公契
  • 30年以下

村屋一般要批的時間比較長, 因好多村屋的契很複雜, 而且很多路權或斜坡等問題, 銀行會好謹慎, 一般會需要驗樓. 因此申請村屋按揭一定要早做, 預留時間可能發生意外 (例如唔批要搵其他銀行和要約驗樓). 而且村屋按揭最好找近那條村的分行做, 因他們已做慣那區的村屋, 對於check 契等會處理得快一點.

有些銀行對村屋有”預先批核”.  即銀行先查契齊不齊, 路權, 兼驗樓,然後給個明確批核結果. 這種做法很安全, 因知銀行已批, 便清除了不明朗因素,可以簽臨約,不過這種預批通常有費用,預幾千元,完成按揭提款後可退還。

順帶一提, 村屋最高只能借8成半, 大家要注意. 想再深入了解村屋按揭的細節,請參考以下文章:

村屋按揭,今非昔比

 

返回主頁 按揭學堂